Ademais de ser presidente da Asociación de Escritores en Lingua Galega e director das galerías de arte Torque e Citánia, Euloxio Rodríguez Ruibal formou parte do grupo Ditea, prestixiosa agrupación de teatro afeccionado compostelán e unha das máis antigas en funcionamento en toda España, e fundou o grupo de teatro Obradoiro. Entre os premios que ten recibido nos últimos tempos figuran o Abrente (1973 e 1975), Álvaro Cunqueiro (1989) e Valle Inclán (2005).