120 páx. (150x210 mm.)

Conto para ler chovendo liga coa literatura de formación ou aprendizaxe do heroe (bildungsroman) que tanta tradición ten na literatura que finca as súas raíces no mundo imaxinativo europeo. Estructurado en 17 capítulos, cada un cun resume do que imos ler, o andar do protagonista é unha viaxe iniciática á procura dun libro que contén tódalas historias escritas e por escribir, á procura do saber, desde a súa aldea até novas terras nas que vai descubrir, outras maneiras de ser e de vivir, de xeito que cando volte xa non será o mesmo rapaz de cando a deixou.