Trátase dunha novela case coral, onde varias persoas ben diferentes en idade, orixe, vivencias, desexos, loitas, inquedanzas... aparecen conectadas a través dunha viaxe organizada, na que coinciden durante uns días. As voces crúzanse para relatar algún aspecto da súa vida (soidade, colaboración, abuso, violencia, envexa, compañeirismo, aceptación, liberdade...), á vez que achegan detalles ao argumento de conexión (unha viaxe turística dende Galicia ata unha illa alén do mar, na que xorde un problema complicado que precisará de intervención policial).

Ademais da equipaxe visible, cadaquén leva unha bagaxe ás costas, unha equipaxe oculta da que se desvelará un anaquiño.