Tríade é un proxecto de evolución poética, que abarca unha década de creación, a través de tres poemarios escolmados.

Dende “A forza das cousas” (1996): poesía que atende o cotián, o ritmo vital dos días e das cousas.

En “A historia que sabemos é vivir” (2000), os poemas acadan un perfil intimista. Vestixios que falan de periplos sentimentais e do mundo.

Ata os que marcan un cambio de estilo, máis conciso e incisivo, en “De a diario e de leóns” (2006). Hai nestes poemas breves unha formulación imperativa que conclúe os versos.