76 páx. (120x160 mm.)

Clodio González Pérez recupera varios textos inéditos de tres eruditos que tentaron facer a primeira historia de Noia: Juan Henriquez Ossorio, Eugenio Reguera Pardiñas e Alberto Campero. Estes manuscritos -que actualmente se atopan no Archivo Histórico Nacional (Madrid)-, pertenceron ao pontevedrés Reguera Pardiñas, que traballou durante moitos anos compilando material para realizar un vocabulario galego-castelan e unha Xeografía e Historia de Galicia. A súa prematura morte en 1866 -cando contaba tan só 60 anos-, non lle permitiu rematar estes dous ambiciosos proxectos.