256 páx. (140x210 mm.)

O domingo 12 de abril era o día sinalado para as eleccións municipais que darían un profundo cambio de rumbo na historia de Noia. Liberais, conservadores, socialistas e republicanos enfrontábanse nunha dura campaña electoral que selaría a morte dun réxime e daba paso a outro máis esperanzador pero de vida curta. Só 5 anos máis tarde a vida destes contendentes na xornada do 12 de abril de 1931 sufrirá un angustioso e radical cambio. Coa fundación da Falanxe e o golpe de estado do 36 a vila adentrábase nun dos seus momentos históricos máis arrepiantes.