108 páx. (150x210 mm.)

A emigración forma parte dese misterio entre a creación e a desintegración da personalidade humana, así como gran causante da despoboación de vilas enteiras. Galicia, desde hai moito tempo, é o "gran berce" xerador desa dispersión tumultuosa, trasformando aos seus nativos en figuras asociadas á etiqueta popular de "cidadáns de ningures". Os persoeiros de DIASPORA.COM nacen e coexisten pola súa relación íntima co fenómeno migratorio, nestes relatos presentan as súas vivencias que conducen ao debate público, en pos de contribuír cada un coa súa insignificante historia, a enriquecer e entender Galicia desde unha perspectiva moi particular: O mundo do emigrante galego. A obra enriquécese no gráfico coa aportación dos debuxos de Masito.