406 páx. (140x215 mm.)

O traballo de campo de investigación etnoarqueolóxica que Kechu Torres está a realizar sobre a explotación de recursos económicos no norte da Península Ibérica desemboca nesta obra, que terá continuación nun segundo volume. Nela apórtanse interesantes datos sobre as actividades económicas dos pobos que habitaron o norte da Península Ibérica durante a Idade do Ferro. Para iso botouse man dos coñecementos arqueolóxicos, revisáronse criticamente os textos clásicos e empregáronse as técnicas da etnoarqueoloxía. Neste primeiro volume trátase a obtención de recursos naturais e o coñecemento do medioambiente antigo e a súa evolución, os cambios do clima e nos ecosistemas e cómo isto repercutía nos diferentes recursos.