104 páx. 15x21 cm

O hotel narra un día na vida de dúas persoas pertencentes a grupos sociais moi distintos. Carlos Alberte, conde de Andrada, leva unha existencia luxosa, realizando como única actividade "laboral" a venda de exclusivas na prensa rosa. Paco, polo contrario, é un mozo bohemio que leva anos en paro.
Buscando traballo, Paco é contratado como camareiro no hotel onde se aloxa Carlos Alberte no que, por un azar, é confundido con este último, suplantándoo involuntariamente. A partir dese momento, Paco accederá aos refinados praceres da opulencia.
Partindo da premisa de que hai que inventar motivos para rir porque para sufrir xa sobran, O hotel pretende ser un relato humorístico adubado con moderadas doses de erotismo. A busca da amenidade complétase incorporando un argumento de enredo e de intriga onde as situacións nas que se ven inmersos os personaxes nunca son previsibles.