Percorrer os camiños e perderse polas encrucilladas e polos currunchos dos ancestrais pobos do antigo Coto de Rubillón e da que foi a histórica xurisdición de Avión, produce no máis profundo da alma de calquera viaxeiro, por unha parte, unha sensación fantástica e por outra, un agradecemento infinito ós deuses dos lares, que protexen o noso patrimonio, por terlle dado a oportunidade a un de poder vivir no mesmo intre, e sen moverse do sitio, na mesmísima Idade Media, ó tempo de atoparse de bruzos co modernismo máis sofisticado. Así son estes pobos que dormen á sombra das Serras do Faro e so Suído: historia e tradición;  presente fascinante e futuro con esperanza.